ਮੱਲਿਕਾ ਦਾ ‘ਡਬਲ ਧਮਾਲ’

ਮੱਲਿਕਾ ਦੇ ਜਲਵੇ ਦੇਖ ਕੇ ਉਸ ਦੀ ਸਮਕਾਲੀ ਕੋਈ ਵੀ ਹੀਰੋਇਨ ਈਰਖਾ ਕਰ ਸਕਦੀ ਹੈ। ਮੈਡਮ ਐਮ ਨੇ ਅਜੇ ਤੱਕ ਗਿਣੀਆਂ ਚੁਣੀਆਂ ਫਿਲਮਾਂ ਵਿੱਚ ਹੀ ਕੰਮ ਕੀਤਾ ਹੈ ਤੇ ਉਸ ਦੇ ਹੱਥ ਵਿੱਚ ਵੀ ਗਿਣਤੀ ਦੀਆਂ ਹੀ ਫਿਲਮਾਂ ਹਨ। ਬਾਵਜੂਦ ਇਸ ਦੇ ਉਸ ਦੀ ਇਮੇਜ ਇੱਕ ਅੰਤਰ ਰਾਸ਼ਟਰੀ ਹੀਰੋਇਨ ਵਾਲੀ ਬਣੀ ਹੋਈ ਹੈ।
ਫਿਲਮ ‘ਹਿੱਸ’ ਵਿੱਚ ਕੰਮ ਕਰਨ ਦੇ ਬਾਅਦ ਮਲਿਕਾ ਨੇ ਅੰਤਰ ਰਾਸ਼ਟਰੀ ਮਾਰਕਿਟ ਵਿੱਚ ਇਸ ਅੰਦਾਜ਼ ਨਾਲ ਪ੍ਰਚਾਰ ਕੀਤਾ, ਜਿਵੇਂ ਉਹ ਹਿੰਦੁਸਤਾਨ ਦੀ ਮੰਨੀ ਪ੍ਰਮੰਨੀ ਅਭਿਨੇਤਰੀ ਹੋਵੇ। ਇਸ ਸਮੇਂ ਮੱਲਿਕਾ ਦੇ ਹੱਥ ਵਿੱਚ ਇੰਦਰ ਕੁਮਾਰ ਦੀ ‘ਡਬਲ ਧਮਾਲ’ ਤੋਂ ਇਲਾਵਾ ਕੋਈ ਵੱਡੀ ਫਿਲਮ ਨਹੀਂ, ਲੇਕਿਨ ਆਸਟਰੀਆ ਵਿੱਚ ਹੋਏ ਇੱਕ ਐਵਾਰਡ ਸਮਾਰੋਹ ਵਿੱਚ ਉਹ ਇਸ ਤਰ੍ਹਾਂ ਦਿੱਸੀ, ਜਿਵੇਂ ਉਹ ਬਾਲੀਵੁੱਡ ਦੀ ਅਗਵਾਈ ਕਰ ਰਹੀ ਹੋਵੇ।