Punjab Star » ਫਿਲਮੀਂ

ਸੰਨੀ ਲਿਓਨ ਨੇ ਕਰਾਇਆ ਬਲੈਕ ਬਿਕਨੀ ਫੋਟੋਸ਼ੂਟ

editor — Mon, 14 May 2012 15:14:11 +0000

ਸੰਨੀ ਲਿਓਨ ਅਪਣੀ ਆਉਣ ਵਾਲੀ ਫਿਲਮ ‘ਜਿਸਮ 2′ ਦੀ ਸ਼ੂਟਿੰਗ ਦੇ ਲਈ ਗੋਆ ਗਈ ਹੋਈ ਸੀ। ਗੋਆ ‘ਚ ਵੈਸੇ ਹੀ ਬਹੁਤ ਗਰਮੀ ਹੈ ਅਤੇ ਸੰਨੀ ਨੇ ਉੱਥੇ ਇਕ ਫੋਟੋਸ਼ੂਟ ਕਰਵਾਕੇ ਮਾਹੌਲ ਨੂੰ ਹੋਰ ਵੀ ਗਰਮ ਕਰ ਦਿੱਤਾ।
ਉਨ੍ਹਾਂ ਨੇ ਸ਼ੂਟਿੰਗ ਦੇ ਦੌਰਾਨ ਬਲੈਕ ਬਿਕਨੀ ‘ਚ ਇਕ ਫੋਟੋਸ਼ੂਟ ਕਰਵਾਇਆ ਜਿਸ ‘ਚ ਉਹ ਹਮੇਸ਼ਾ ਦੀ ਤਰ੍ਹਾਂ ਬਹੁਤ ਹਾਟ ਨਜ਼ਰ ਆਈ। ਇਸ ਤੋਂ ਇਲਾਵਾ ਉਸ ਨੇ ਗੋਆ ‘ਚ ਰਹਿ ਕੇ ਬਹੁਤ ਮਸਤੀ ਕੀਤੀ। ਸੰਨੀ ਨੇ ਟਵੀਟਰ ‘ਤੇ ਲਿਖਿਆ, ਮੈਂ ਗੋਆ ਆਕੇ ਬਹੁਤ ਖੂਸ਼ ਹਾਂ..ਇੰਜ ਲੱਗ ਰਿਹਾ ਹੈ ਕਿ ਮੈਂ ਇੱਥੇ ਛੁੱਟਿਆਂ ਮਨਾ ਰਹੀ ਹਾਂ। ਗੋਆ ਤੋਂ ਬਾਅਦ ਇਸ ਫਿਲਮ ਦੀ ਆਖਿਰੀ ਸ਼ੂਟਿੰਗ ਦਾ ਪ੍ਰੋਗਰਾਮ ਸ਼੍ਰੀਲੰਕਾ ‘ਚ ਰੱਖਿਆ ਗਿਆ ਹੈ।

ਆਮਿਰ ਖ਼ਾਨ ਦਾ ਸੱਤਿਆਮੇਵ ਜਯਤੇ

editor — Sat, 12 May 2012 13:56:45 +0000

ਛੇ ਮਈ ਤੋਂ ਸ਼ੁਰੂ ਹੋਏ ਨਵੇਂ ਟੀ.ਵੀ. ਸ਼ੋਅ ਸੱਤਿਆਮੇਵ ਜਯਤੇ ਰਾਹੀਂ ਬਾਲੀਵੁੱਡ ਸਟਾਰ ਆਮਿਰ ਖ਼ਾਨ ਦਰਸ਼ਕਾਂ ਦੇ ਰੂਬਰੂ ਹੋ ਰਹੇ ਹਨ। ਇਹ ਸ਼ੋਅ ਆਮਿਰ ਖ਼ਾਨ ਵੱਲੋਂ ਸਟਾਰ ਇੰਡੀਆ ਨੈੱਟਵਰਕ ਨਾਲ ਜੁੜ ਕੇ ਤਿਆਰ ਕੀਤਾ ਗਿਆ ਹੈ ਜੋ ਸਟਾਰ ਇੰਡੀਆ ਨੈੱਟਵਰਕ ਦੇ ਸਾਰੇ ਚੈਨਲਾਂ ਦੇ ਨਾਲ-ਨਾਲ ਡੀ.ਡੀ. ਵਨ ’ਤੇ ਵੀ ਪ੍ਰਸਾਰਤ ਹੋਵੇਗਾ। ਇਸ ਸ਼ੋਅ ਦਾ ਨਿਰਮਾਣ ਆਮਿਰ ਖ਼ਾਨ ਦੀ ਆਪਣੀ ਪ੍ਰੋਡਕਸ਼ਨ ਕੰਪਨੀ ਆਮਿਰ ਖ਼ਾਨ ਪ੍ਰੋਡਕਸ਼ਨ ਨੇ ਕੀਤਾ ਹੈ। ਇਸ ਦਾ ਨਿਰਦੇਸ਼ਨ ਸੱਤਿਆਜੀਤ ਭਟਕਲ ਕਰ ਰਹੇ ਹਨ, ਜਿਨ੍ਹਾਂ ਨੇ ‘ਮੇਕਿੰਗ ਆਫ਼ ਲਗਾਨ’ ਨਾਮੀਂ ਕਿਤਾਬ ਲਿਖਣ ਤੋਂ ਇਲਾਵਾ ਫ਼ਿਲਮ ਵੀ ਨਿਰਦੇਸ਼ਿਤ ਕੀਤੀ ਸੀ। ਇਹ ਪ੍ਰੋਗਰਾਮ ਹਿੰਦੀ, ਅੰਗਰੇਜ਼ੀ ਤੋਂ ਇਲਾਵਾ ਮਰਾਠੀ, ਤਾਮਿਲ, ਤੇਲਗੂ, ਮਲਿਆਲਮ ਸਮੇਤ ਅੱਠ ਭਾਸ਼ਾਵਾਂ ਵਿੱਚ ‘ਸਟਾਰ ਪਲੱਸ’, ‘ਸਟਾਰ ਉਤਸਵ’, ‘ਸਟਾਰ ਮਾਝਾ’ ਸਮੇਤ ਸਟਾਰ ਨੈੱਟਵਰਕ ਦੇ ਹਰ ਰੀਜਨਲ ਚੈਨਲ ’ਤੇ ਇੱਕੋ ਸਮੇਂ ਪ੍ਰਸਾਰਤ ਹੋਵੇਗਾ। ਆਮਿਰ ਦਾ ਦਾਅਵਾ ਹੈ ਕਿ ਅਜਿਹਾ ਸ਼ੋਅ ਅੱਜ ਤਕ ਕਿਸੇ ਟੀ.ਵੀ. ਚੈਨਲ ’ਤੇ ਨਾ ਆਇਆ ਹੈ ਤੇ ਨਾ ਹੀ ਕਿਸੇ ਨੇ ਦੇਖਿਆ ਹੈ। ਇਸ ਸ਼ੋਅ ਦੇ ਸਬੰਧ ਵਿੱਚ ਆਮਿਰ ਨਾਲ ਹੋਈ ਇੱਕ ਮੁਲਾਕਤ ਦੇ ਕੁਝ ਅੰਸ਼ ਪੇਸ਼ ਹਨ:
ਸਵਾਲ: ਇਸ ਸ਼ੋਅ ਦੀ ਯੋਜਨਾ ਕਿਵੇਂ ਬਣੀ?
ਜਵਾਬ: ਮੈਨੂੰ ਪਿਛਲੇ ਕੁਝ ਸਾਲਾਂ ਤੋਂ ਟੈਲੀਵਿਜ਼ਨ ਪ੍ਰੋਗਰਾਮਾਂ ਨਾਲ ਜੁੜਨ ਦੀਆਂ ਪੇਸ਼ਕਸ਼ਾਂ ਹੋ ਰਹੀਆਂ ਸਨ ਪਰ ਇਨ੍ਹਾਂ ’ਚੋਂ ਕਿਸੇ ਵੀ ਪ੍ਰੋਗਰਾਮ ਨੇ ਮੈਨੂੰ ਉਤਸ਼ਾਹਤ ਨਹੀਂ ਕੀਤਾ। ਚਾਰ ਸਾਲ ਪਹਿਲਾਂ ਜਦੋਂ ਉਦੈ ਸ਼ੰਕਰ ਮੈਨੂੰ ਮਿਲੇ ਤਾਂ ਉਨ੍ਹਾਂ ਮੈੈਨੂੰ ਟੀ.ਵੀ. ਨਾਲ ਜੁੜਨ ਲਈ ਕਿਹਾ। ਜੋ ਚੀਜ਼ ਮੈਨੂੰ ਖਿੱਚ ਪਾਉਂਦੀ ਹੈ,ਮੈਂ ਉਈ ਕੰਮ ਕਰਦਾ ਹਾਂ। ਟੈਲੀਵਿਜ਼ਨ ਦੀ ਪਹੁੰਚ ਤੇ ਆਮ ਲੋਕਾਂ ਨਾਲ ਜੁੜਨ ਦੀ ਸਮਰੱਥਾ ਤੋਂ ਮੈਂ ਬਹੁਤ ਪ੍ਰਭਾਵਿਤ ਹੈ। ਇਸ ਦਾ ਉਪਯੋਗ ਹੀ ਮੈਂ ਆਪਣੇ ਇਸ ਪ੍ਰੋਗਰਾਮ ਰਾਹੀਂ ਕਰਨਾ ਚਾਹੁੰਦਾ ਹਾਂ। ਮੈਂ ਚਾਹੁੰਦਾ ਹਾਂ ਕਿ ਇਹ ਮੇਰੇ ਅਤੇ ਮੇਰੇ ਦਰਸ਼ਕਾਂ ਲਈ ਜਾਣਕਾਰੀ ਭਰਪੂਰ ਅਨੁਭਵ ਬਣੇ। ਮੇਰੇ ਲਈ ਇਹ ਸਿਰਫ਼ ਇੱਕ ਸ਼ੋਅ ਹੀ ਨਹੀਂ, ਬਲਕਿ ਇੱਕ ਯਾਤਰਾ ਹੈ। ਇਹ ਯਾਤਰਾ ਹੈ-ਖੋਜ ਦੀ, ਬਦਲਾਅ ਦੀ, ਭਾਵਨਾਵਾਂ ਦੀ ਅਤੇ ਮਨੁੱਖੀ ਕਹਾਣੀਆਂ ਦੀ-ਜੋ ਸਾਡੇ ਦਿਲ ਨੂੰ ਛੂਹ ਜਾਣਗੀਆਂ। ਮੇਰਾ ਸੁਪਨਾ ਹੈ ਕਿ ਇਹ ਸ਼ੋਅ ਲੋਕਾਂ ਦੀ ਜ਼ਿੰਦਗੀ ਨੂੰ ਪ੍ਰਭਾਵਿਤ ਕਰਕੇ ਸੇਧਗਾਰ ਸਾਬਤ ਹੋਵੇ। ਇਹ ਸ਼ੋਅ ਚੁਣੌਤੀ ਭਰਪੂਰ ਹੈ। ਇਹ ਭਾਵਨਾਵਾਂ ਦਾ ਅਜਿਹਾ ਸੰਗਮ ਹੈ ਜੋ ਹਰ ਹਿੰਦੁਸਤਾਨੀ ਦੇ ਦਿਲ ਨੂੰ ਛੂਹੇਗਾ। ਮੈਂ ਖ਼ੁਦ ਵੀ ਇਸ ਪ੍ਰੋਗਰਾਮ ਤੋਂ ਬਹੁਤ ਕੁਝ ਸਿੱਖਿਆ ਹੈ ਤੇ ਹੁਣ ਲੋਕ ਵੀ ਸਿੱਖਣਗੇ।
ਸਵਾਲ: ‘ਸੱਤਿਆਮੇਵ ਜਯਤੇ’ ਤੁਹਾਡੇ ਲਈ ਕੀ ਹੈ?
ਜਵਾਬ: ਇਹ ਮੇਰੀ ਜ਼ਿੰਦਗੀ ਦਾ ਬਹੁਤ ਮਹੱਤਵਪੂਰਨ ਹਿੱਸਾ ਹੈ ਜਾਂ ਕਹਿ ਲਉ ਕਿ ਇਹ ਮੇਰੀ ਜ਼ਿੰਦਗੀ ਦਾ ਅਹਿਮ ਪੜਾਅ ਹੈ। ਮੈਂ ਹੁਣ ਤਕ ਕਈ ਬਿਹਤਰੀਨ ਤੇ ਮਹੱਤਵਪੂਰਨ ਫ਼ਿਲਮਾਂ ਕੀਤੀਆਂ ਹਨ ਪਰ ਇਹ ਟੀ.ਵੀ. ਸ਼ੋਅ ਮੇਰੇ ਦਿਲ ਦੇ ਬਹੁਤ ਕਰੀਬ ਹੈ। ਮੈਂ ਪਿਛਲੇ ਦੋ ਸਾਲਾਂ ਤੋਂ ਇਸ ’ਤੇ ਕੰਮ ਕਰ ਰਿਹਾ ਹਾਂ। ਇਹ ਪ੍ਰਾਜੈਕਟ ਤੋਂ ਮੈਨੂੰ ਬਹੁਤ ਆਸਾਂ ਹਨ।
ਸਵਾਲ: ਇਸ ਟੀ.ਵੀ. ਸ਼ੋਅ ’ਚ ਕੀ ਹੈ?
ਜਵਾਬ: ਮੈਂ ਇਸ ਸ਼ੋਅ ਦੇ ਸਬੰਧ ’ਚ ਜ਼ਿਆਦਾ ਕੁਝ ਨਹੀਂ ਕਹਿਣਾ ਚਾਹੁੰਦਾ। ਮੇਰੀ ਇਹੀ ਇੱਛਾ ਹੈ ਕਿ ਲੋਕ ਇਸ ਸ਼ੋਅ ਨੂੰ ਛੇ ਮਈ ਤੋਂ ਹਰ ਐਤਵਾਰ ਸਵੇਰੇ 11 ਵਜੇ ਦੇਖਣ ਅਤੇ ਇਸ ਦਾ ਆਨੰਦ ਮਾਨਣ। ਇਹ ਸ਼ੋਅ ਆਮ ਭਾਰਤੀਆਂ ਨੂੰ ਮਿਲਣ ਅਤੇ ਉਨ੍ਹਾਂ ਨੂੰ ਇੱਕ-ਦੂਜੇ ਨਾਲ ਜੋੜਨ ਦੀ ਗੱਲ ਕਰਦਾ ਹੈ। ਇਹ ਸ਼ੋਅ ਲੋਕਾਂ ਦੀ ਜ਼ਿੰਦਗੀ ਨਾਲ ਜੁੜਿਆ ਹੈ। ਅਸੀਂ ਇਸ ਦੇ ਟਾਈਟਲ ਗੀਤ ਤੋਂ ਇਲਾਵਾ ਹਰ ਐਪੀਸੋਡ ’ਚ ਇੱਕ ਵੱਖਰਾ ਗੀਤ ਵੀ ਪਾਇਆ ਹੈ।
ਸਵਾਲ: ਇਸ ਸ਼ੋਅ ਸਬੰਧੀ ਕੁਝ ਹੋਰ ਵਿਸਥਾਰ ਦਿਓ।
ਜਵਾਬ: ਇਹ ਅਜਿਹਾ ਸ਼ੋਅ ਹੈ ਜਿਸ ਵਿੱਚ ਮੈਂ ਲੋਕਾਂ ਨਾਲ ਜੁੜਦਾ ਹਾਂ। ਇਹ ਹਰ ਭਾਰਤੀ ਚਾਹੇ ਉਹ ਅਮੀਰ ਹੈ ਜਾਂ ਗ਼ਰੀਬ, ਸ਼ਹਿਰੀ ਹੈ ਜਾਂ ਪਿੰਡ ਦਾ ਰਹਿਣ ਵਾਲਾ, ਆਦਮੀ ਹੈ ਜਾਂ ਔਰਤ, ਬੱਚਾ ਹੈ ਜਾਂ ਬਜ਼ੁਰਗ ਹਰੇਕ ਦੀ ਜ਼ਿੰਦਗੀ ਨਾਲ ਸਰੋਕਾਰ ਰੱਖਦੀਆਂ ਗੱਲਾਂ ਨਾਲ ਸਬੰਧਤ ਹੈ। ਇਸ ਸ਼ੋਅ ਦੇ ਮਾਧਿਅਮ ਨਾਲ ਇਹ ਕੋਸ਼ਿਸ਼ ਕੀਤੀ ਗਈ ਹੈ ਕਿ ਅਸੀਂ ਖ਼ੁਦ ਨੂੰ ਸਮਝੀਏ। ਉਨ੍ਹਾਂ ਚੀਜ਼ਾਂ ’ਤੇ ਗ਼ੌਰ ਕਰੀਏ, ਜਿਨ੍ਹਾਂ ਨਾਲ ਸਾਨੂੰ ਦੁੱਖ ਹੁੰਦਾ ਹੈ। ਇਸ ’ਚ ਇਹ ਦਿਖਾਉਣ ਦੀ ਕੋਸ਼ਿਸ ਕੀਤੀ ਗਈ ਹੈ ਕਿ ਅਸੀਂ ਖ਼ੁਦ ਨੂੰ ਕਿਵੇਂ ਬਦਲ ਕੇ ਬਿਹਤਰ ਜ਼ਿੰਦਗੀ ਵੱਲ ਅੱਗੇ ਵਧ ਸਕਦੇ ਹਾਂ। ਇਹ ਸ਼ੋਅ ਹਰ ਇੱਕ ਦੀ ਸੋਚ ਦਾ ਹਿੱਸਾ ਹੈ।
ਸਵਾਲ: ਹਰ ਐਪੀਸੋਡ ’ਚ ਗੀਤ ਰੱਖਣ ਪਿੱਛੇ ਤੁਹਾਡੀ ਕੀ ਸੋਚ ਹੈ?
ਜਵਾਬ: ਮੈਂ ਇਸ ਸ਼ੋਅ ਨਾਲ ਲੋਕਾਂ ਦੇ ਦਿਲਾਂ ਨੂੰ ਜੋੜਨਾ ਚਾਹੁੰਦਾ ਹਾਂ ਤੇ ਹਰ ਆਮ-ਖਾਸ ਲੋਕਾਂ ਦੇ ਦਿਲਾਂ ਤਕ ਪੁੱਜਣਾ ਚਾਹੁੰਦਾ ਹਾਂ। ਅਸੀਂ ਗੀਤ ਅਤੇ ਸੰਗੀਤ ਦੇ ਮਾਧਿਆਮ ਨਾਲ ਆਸਾਨੀ ਨਾਲ ਲੋਕਾਂ ਦੇ ਦਿਲਾਂ ਨੂੰ ਛੂਹ ਸਕਦੇ ਹਾਂ ਜੋ ਆਪਸੀ ਗੱਲਬਾਤ ਨਾਲ ਸੰਭਵ ਨਹੀਂ ਹੋ ਸਕਦਾ।
ਸਵਾਲ: ਇਸ ਸ਼ੋਅ ਸਬੰਧੀ ਤੁਹਾਡੇ ਕੀ ਅਨੁਭਵ ਰਹੇ?
ਜਵਾਬ: ਮੇਰਾ ਅਨੁਭਵ ਬਹੁਤ ਵਧੀਆ ਰਿਹਾ। ਇਹ ਸ਼ੋਅ ਜ਼ਰੀਏ ਮੈਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ। ਮੈਂ ਤਕਰੀਬਨ ਦੇਸ਼ ਦੇ ਹਰ ਸੂਬੇ ’ਚ ਗਿਆ। ਲਗਪਗ ਹਰ ਵਰਗ, ਹਰ ਧਰਮ, ਹਰ ਉਮਰ ਦੇ ਲੋਕਾਂ ਨੂੰਮਿਲਿਆ। ਇਨ੍ਹਾਂ ਮੌਕਿਆਂ ’ਤੇ ਮੈਂ ਕਈ ਵਾਰ ਰੋਇਆ ਵੀ ਤੇ ਕਈ ਵਾਰ ਹੱਸਿਆ ਵੀ। ਮੈਨੂੰ ਕਈ ਅਜਿਹੇ ਲੋਕਾਂ ਨਾਲ ਮਿਲਣ ਦਾ ਮੌਕਾ ਮਿਲਿਆ, ਜਿਨ੍ਹਾਂ ਤੋਂ ਪ੍ਰੇਰਨਾ ਮਿਲੀ। ਇਸ ਸ਼ੋਅ ਨੂੰ ਬਣਾਉਂਦਿਆਂ ਮੈਂ ਖ਼ੁਦ ਨਾਲ, ਆਪਣੇ ਦੇਸ਼ ਨਾਲ ਤੇ ਆਮ ਆਦਮੀ ਨਾਲ ਜੁੜਨ ਦੀ ਕੋਸ਼ਿਸ਼ ਕੀਤੀ ਹੈ।
ਸਵਾਲ: ਕੀ ਇਸ ਸ਼ੋਅ ਦੌਰਾਨ ਤੁਸੀਂ ਭਾਰਤ ਦੇ ਸਾਰੇ ਰਾਜਾਂ ’ਚ ਗਏ?
ਜਵਾਬ: ਨਹੀਂ, ਜਿਨ੍ਹਾਂ ਤਕ ਮੈਂ ਨਹੀਂ ਪਹੁੰਚ ਪਸਕਿਆ,ਉਹ ਖ਼ੁਦ ਮੇਰੇ ਕੋਲ ਪਹੁੰਚ ਗਏ ਪਰ ਜ਼ਿਆਦਾ ਰਾਜਾਂ ’ਚ ਮੈਂ ਗਿਆ ਹਾਂ।
ਸਵਾਲ: ਤੁਸੀਂ ਆਪਣੇ ਪ੍ਰੋਗਰਾਮ ਲਈ ਐਤਵਾਰ ਸਵੇਰੇ ਗਿਆਰਾਂ ਵਜੇ ਦਾ ਸਮਾਂ ਹੀ ਕਿਉਂ ਚੁਣਿਆ?
ਜਵਾਬ: ਐਤਵਾਰ ਸਵੇਰੇ 11 ਵਜੇ ਦਾ ਸਮਾਂ ਮੈਂ ਖ਼ੁਦ ਚੁਣਿਆ ਹੈ ਕਿਉਂਕਿ ਮੈਂ ਮਹਾਭਾਰਤ ਅਤੇ ਰਾਮਾਇਣ ਦੇਖਣ ਦਾ ਬਹੁਤ ਸ਼ੌਕੀਨ ਸੀ। ਜਦੋਂ ਇਹ ਪ੍ਰੋਗਰਾਮ ਐਤਵਾਰ ਸਵੇਰੇ ਪ੍ਰਸਾਰਿਤ ਹੁੰਦੇ ਸਨ ਤਾਂ ਪੂਰੇ ਦੇਸ਼ ਦੀਆਂ ਸੜਕਾਂ ਸੁੰਨੀਆਂ ਹੋ ਜਾਂਦੀਆਂ ਸਨ। ਅਸੀਂ ਵੀ ਇਹੀ ਚਾਹੁੰਦੇ ਹਾਂ। ਐਤਵਾਰ ਦੇ ਦਿਨ ਹਰੇਕ ਦੀ ਛੁੱਟੀ ਹੁੰਦੀ ਹੈ। ਪਰਿਵਾਰ ਦਾ ਹਰ ਮੈਂਬਰ ਘਰ ਹੁੰਦਾ ਹੈ। ਅਸੀਂ ਚਾਹੁੰਦੇ ਹਾਂ ਕਿ ਹਰ ਪੂਰੇ ਦਾ ਪੂਰਾ ਪਰਿਵਾਰ ਇਸ ਪ੍ਰੋਗਰਾਮ ਨੂੰ ਦੇਖੇ, ਸੋਚੇ, ਵਿਚਾਰ ਕਰੇ ਅਤੇ ਸਾਨੂੰ ਆਪਣੇ ਵਿਚਾਰ ਵੀ ਭੇਜੋ।
ਸਵਾਲ: ਤੁਹਾਨੂੰ ਨਹੀਂ ਲੱਗਦਾ ਕਿ ਤੁਸੀਂ ਲੀਕ ਤੋਂ ਹਟ ਕੇ ਸ਼ੋਅ ਬਣਾਉਂਦਿਆਂ ਹੋਇਆਂ ਜੋਖ਼ਮ ਉਠਾਇਆ ਹੈ?
ਜਵਾਬ: ਮੈਂ ਆਪਣੀ ਜ਼ਿੰਦਗੀ ਵਿੱਚ ਅਲੱਗ ਰਸਤੇ ਉੱਤੇ ਹੀ ਚੱਲਦਾ ਰਿਹਾ ਹਾਂ। ਨਵੇਂ ਰਸਤੇ ’ਤੇ ਚੱਲਣ ਸਮੇਂ ਹਰ ਵਾਰ ਹੀ ਡਰ ਲੱਗਿਆ ਪਰ ਮੈਨੂੰ ਹਮੇਸ਼ਾਂ ਪਤਾ ਹੁੰਦਾ ਸੀ ਕਿ ਮੈਂ ਜੋ ਕਰ ਰਿਹਾ ਹਾਂ, ਉਸ ਲਈ ਨਵਾਂ ਰਸਤਾ ਤਾਂ ਲੱਭਣਾ ਹੀ ਪਵੇਗਾ। ਮੈਂ ਲੋਕਾਂ ਦਾ ਮਨੋਰੰਜਨ ਕਰਨ ’ਚ ਯਕੀਨ ਰੱਖਦਾ ਹਾਂ। ਮੇਰਾ ਮਕਸਦ ਲੋਕਾਂ ਨੂੰ ਸਿਰਫ਼ ਹਸਾਉਣਾ ਹੀ ਨਹੀਂ, ਮੈਂ ਉਨ੍ਹਾਂ ਦਾ ਮਨੋਰੰਜਨ ਕਰਨ ਦੇ ਨਾਲ-ਨਾਲ ਉਨ੍ਹਾਂ ਦੇ ਜ਼ਮੀਰ, ਚੇਤਨਾ ਨੂੰ ਵੀ ਜਗਾਉਣਾ ਚਾਹੁੰਦਾ ਹਾਂ।

ਸ਼ਾਹਿਦ-ਪ੍ਰਿਅੰਕਾ ਦੀ ਤੇਰੀ ਮੇਰੀ ਕਹਾਣੀ

editor — Sat, 12 May 2012 13:53:28 +0000

ਯਸ਼ਰਾਜ ਚੋਪੜਾ ਨੂੰ ਫ਼ਿਲਮ ਨਿਰਮਾਣ ’ਚ ਆਪਣਾ ਆਦਰਸ਼ ਮੰਨਣ ਵਾਲੇ ਭਾਵ ਮੁਝਸੇ ਦੋਸਤੀ ਕਰੋਗੀ, ਹਮ ਤੁਮ, ਥੋੜ੍ਹਾ ਪਿਆਰ ਥੋੜ੍ਹਾ ਮੈਜਿਕ ਜਿਹੀਆਂ ਫ਼ਿਲਮਾਂ ਦੇ ਨਿਰਦੇਸ਼ਕ ਕੁਨਾਲ ਕੋਹਲੀ ਬਤੌਰ ਨਿਰਮਾਤਾ-ਨਿਰਦੇਸ਼ਕ ਇੱਕ ਨਵੀਂ ਫ਼ਿਲਮ ਤੇਰੀ-ਮੇਰੀ ਕਹਾਣੀ ਲੈ ਕੇ ਆ ਰਹੇ ਹਨ। ਇਸ ਵਿੱਚ ਕੁਨਾਲ ਨੇ ਸੌ ਸਾਲ ਦੇ ਲੰਮੇ ਅਰਸੇ ਦੌਰਾਨ ਵੱਖ-ਵੱਖ ਸਮੇਂ ਦੀਆਂ ਤਿੰਨ ਪ੍ਰੇਮ ਕਹਾਣੀਆਂ ਰਾਹੀਂ ਪਿਆਰ ਦੀ ਸਦੀਵਤਾ ਨੂੰ ਬਿਆਨ ਕੀਤਾ ਹੈ।
ਤੇਰੀ-ਮੇਰੀ ਕਹਾਣੀ ਤਿੰਨ ਵੱਖ-ਵੱਖ ਸਮਿਆਂ, ਭਾਵ 1912, 1960 ਤੇ 2012 ਦੀ ਹੈ ਜਿਸ ਵਿੱਚ ਸ਼ਾਹਿਦ ਕਪੂਰ ਨੇ ਜਾਵੇਦ, ਗੋਬਿੰਦ ਅਤੇ ਕ੍ਰਿਸ਼ ਜਦੋਂਕਿ ਪ੍ਰਿਅੰਕਾ ਚੋਪੜਾ ਨੇ ਰਾਧਾ, ਅਨੁਰਾਧਾ ਤੇ ਰੁਖ਼ਸਾਰ ਦੇ ਤਿੰਨ ਵੱਖਰੇ-ਵੱਖਰੇ ਕਿਰਦਾਰ ਨਿਭਾਏ ਹਨ। ਪ੍ਰਿਅੰਕਾ ਚੋਪੜਾ ਨੂੰ ਲੱਗਦਾ ਹੈ ਕਿ 2012 ਦਾ ਕਿਰਦਾਰ ਉਸ ਨਾਲ ਮੇਲ ਖਾਂਦਾ ਹੈ ਜਦੋਂਕਿ ਸ਼ਾਹਿਦ ਆਪਣੇ ਆਪ ਨੂੰ 1912 ਦੇ ਕਿਰਦਾਰ ਨਾਲ ਜੁੜਿਆ ਮਹਿਸੂਸ ਕਰਦੇ ਹਨ।
ਕੁਨਾਲ ਕੋਹਲੀ ਮੁਤਾਬਕ ਇਹ ਸਿਰਫ਼ ਪ੍ਰੇਮ ਕਹਾਣੀ ਨਹੀਂ ਬਲਕਿ ਤਿੰਨ ਜ਼ਿੰਦਗੀਆਂ ਦਾ ਸਫ਼ਰ ਹੈ ਜੋ ਇਹ ਸਾਬਤ ਕਰਦਾ ਹੈ ਕਿ ਪਿਆਰ ਅਮਰ ਹੈ। ਇਹ ਫ਼ਿਲਮ ਰੂਹਾਂ ਦੇ ਮੇਲ ਦੀ ਗੱਲ ਕਰਦੀ ਹੈ ਜੋ ਕਦੇ ਖ਼ਤਮ ਨਹੀਂ ਹੁੰਦਾ। ਕੁਨਾਲ ਮੁਤਾਬਕ ਉਹ ਯਸ਼ਰਾਜ ਦੀਆਂ ਫ਼ਿਲਮਾਂ ਨੂੰ ਵੇਖਦਾ ਵੱਡਾ ਹੋਇਆ ਹੈ ਤੇ ਉਸ ਦੀ ਫ਼ਿਲਮ ’ਚ ਵੀ ਪਿਆਰ-ਮੁਹੱਬਤ ਦੇ ਉਹ ਸਾਰੇ ਰੰਗ ਹਨ। ਕੁਨਾਲ ਦਾ ਕਹਿਣਾ ਹੈ ਕਿ ਇਹ ਜੂਨ ਦਾ ਮਹੀਨਾ ਸਿਰਫ਼ ਪਿਆਰ ਲਈ ਹੋਵੇਗਾ। ਚਰਚਾ ਹੈ ਕਿ ਤੇਰੀ-ਮੇਰੀ ਕਹਾਣੀ 2005 ’ਚ ਆਈ ਇੱਕ ਫ਼ਿਲਮ ਥ੍ਰੀ-ਟਾਈਮਜ਼ ਦੀ ਨਕਲ ਹੈ ਪਰ ਕੁਨਾਲ ਦਾ ਦਾਅਵਾ ਹੈ ਕਿ ਇਹ ਇੱਕ ਮੌਲਿਕ ਕਹਾਣੀ ਹੈ। ਸ਼ਾਹਿਦ-ਪ੍ਰਿਅੰਕਾ ਦੀ ਆਪਸ ਵਿੱਚ ਕੈਮਿਸਟ੍ਰੀ ਦੀ ਗੱਲ ਕਰਦੇ ਕੁਨਾਲ ਕਹਿੰਦੇ ਹਲ ਕਿ ਫਿਲ਼ਮ ਕਮੀਨੇ ’ਚ ਜਿੱਥੇ ਸ਼ਾਹਿਦ ਤੇ ਪ੍ਰਿਅੰਕਾ ਅੱਠ ਦ੍ਰਿਸ਼ਾਂ ’ਚ ਇਕੱਠੇ ਸਨ, ਉੱਥੇ ਇਸ ਫ਼ਿਲਮ ’ਚ ਦੋਵੇਂ 78 ਦ੍ਰਿਸ਼ਾਂ ’ਚ ਇਕੱਠੇ ਨਜ਼ਰ ਆਉਣਗੇ।
ਫ਼ਿਲਮ ਵਿੱਚ ਸ਼ਾਹਿਦ ਵੱਲੋਂ ਨਿਭਾਇਆ ਜਾਵੇਦ ਕਾਦਰੀ ਦਾ ਕਿਰਦਾਰ ਆਜ਼ਾਦੀ ਤੋਂ ਪਹਿਲਾਂ ਲਾਹੌਰ ਨਾਲ ਸਬੰਧਤ ਹੈ। ਇਸ ਵਿੱਚ ਸ਼ਾਹਿਦ ਭਾਵ ਜਾਵੇਦ ਸ਼ਾਇਰੀ ਕਰਨ ਦਾ ਸ਼ੌਕੀਨ ਹੈ। ਸ਼ਾਹਿਦ ਮੁਤਾਬਕ ਉਸ ਲਈ ਇਹ ਕਿਰਦਾਰ ਕਾਫ਼ੀ ਚੁਣੌਤੀਪੂਰਨ ਰਿਹਾ।
ਸ਼ਾਹਿਦ ਨੇ ਕਿਹਾ ਕਿ ਉਸ ਨੇ ‘ਫ਼ਨਾ’ ਵਿੱਚ ਆਮਿਰ ਖ਼ਾਨ ਨੂੰ ਸ਼ਾਇਰੀ ਕਰਦੇ ਦੇਖਿਆ ਸੀ ਤੇ ਜਦੋਂ ਕੁਨਾਲ ਨੇ ਮੈਨੂੰ ਸ਼ਾਇਰੀ ਕਰਨ ਲਈ ਕਿਹਾ ਤਾਂ ਮੈਨੂੰ ਆਮਿਰ ਦੀ ਯਾਦ ਆ ਗਈ। ਮੈਂ ਕਾਫ਼ੀ ਜਜ਼ਬਾਤੀ ਹੋ ਗਿਆ। ਫਿਰ ਕੁਨਾਲ ਨੇ ਇਸ ਕਿਰਦਾਰ ’ਚ ਢਲਣ ਲਈ ਮੇਰੀ ਕਾਫ਼ੀ ਮਦਦ ਕੀਤੀ। ਮੈਨੂੰ ਜਾਵੇਦ ਦਾ ਕਿਰਦਾਰ ਠੰਢੇ ਦਿਮਾਗ ਦਾ ਹੋਣ ਦੇ ਬਾਵਜੂਦ ਬਹੁਤ ਹੀ ਘਟੀਆ ਲੱਗਦਾ ਹੈ ਕਿਉਂਕਿ ਉਸ ਵਕਤ ਸਾਰੇ ਲੋਕ ਆਪਸ ਵਿੱਚ ਬਹੁਤ ਹੀ ਵਧੀਆ ਢੰਗ ਨਾਲ ਵਿਚਰਦੇ ਸਨ। ਫਿਰ ਵੀ ਇਸ ਕਿਰਦਾਰ ਨੂੰ ਨਿਭਾਉਣ ’ਚ ਮੈਨੂੰ ਮਜ਼ਾ ਆਇਆ ਕਿਉਂਕਿ ਜਾਵੇਦ ਸ਼ਾਇਰੀ ਕਰਦੇ ਹੋਏ ਜੋ ਚਾਹੁੰਦਾ ਹੈ, ਉਹ ਕਰਦਾ ਹੈ। ਉਸ ਨੂੰ ਕਿਸੇ ਤੋਂ ਡਰ ਨਹੀਂ ਲੱਗਦਾ। ਜਦੋਂ ਵੀ ਕਿਸੇ ਕੁੜੀ ਨਾਲ ਛੇੜਖਾਨੀ ਕਰਨ ਨੂੰ ਦਿਲ ਕਰਦਾ ਤਾਂ ਜਾਵੇਦ ਆਸਾਨੀ ਨਾਲ ਕਰ ਜਾਂਦਾ ਹੈ ਜੋ ਮੈਂ ਆਪਣੀ ਨਿੱਜੀ ਜ਼ਿੰਦਗੀ ’ਚ ਕਦੇ ਨਹੀਂ ਕਰ ਸਕਦਾ ਤੇ ਨਾ ਹੀ ਕਰਨਾ ਚਾਹੁੰਦਾ ਹੈ। ਮੈਂ ਹੁਣ ਤਕ ਦੇ ਫ਼ਿਲਮੀ ਕਰੀਅਰ ’ਚ ਪਹਿਲੀ ਵਾਰ ਮੁਸਲਿਮ ਕਿਰਦਾਰ ਨਿਭਾਇਆ ਹੈ।
ਸੋ, ਇਹ ਫ਼ਿਲਮ ਦਰਸ਼ਕਾਂ ਦੀ ਕਸੌਟੀ ’ਤੇ ਖਰੀ ਉਤਰਦੀ ਹੈ ਜਾਂ ਨਹੀਂ, ਇਹ ਤਾਂ ਸਮਾਂ ਹੀ ਦੱਸੇਗਾ ਪਰ ਇਸ ਨਾਲ ਸ਼ਾਇਦ ਸ਼ਾਹਿਦ-ਪ੍ਰਿਅੰਕਾ ਦੀ ਵਿਗੜੀ ਬਣ ਜਾਵੇ! ਇਸ ਫ਼ਿਲਮ ਦੇ ਗੀਤਕਾਰ ਪ੍ਰਸੰਨ ਜੋਸ਼ੀ ਤੇ ਸੰਗੀਤਕਾਰ ਸਾਜਿਦ-ਵਾਜਿਦ ਹਨ।

ਵਿਹਲੀ ਨਹੀਂ ਹੈ ਨਰਗਿਸ

editor — Thu, 26 Apr 2012 10:28:36 +0000

ਪਿਛਲੇ ਸਾਲ ਰਣਬੀਰ ਕਪੂਰ ਨਾਲ ਹਿੱਟ ਫਿਲਮ ‘ਰੌਕਸਟਾਰ’ ਰਾਹੀਂ ਪ੍ਰਸਿੱਧ ਹੋਣ ਵਾਲੀ ਨਰਗਿਸ ਫਾਖਰੀ ਇਸ ਪਿੱਛੋਂ ਹੁਣ ਤੱਕ ਕੋਈ ਵੱਡੀ ਫਿਲਮ ਸਾਈਨ ਨਹੀਂ ਕਰ ਸਕੀ। ਉਂਜ ਉਸ ਦਾ ਕਹਿਣਾ ਹੈ ਕਿ ਇਸ ਦੇ ਬਾਵਜੂਦ ਉਸ ਕੋਲ ਸਾਹ ਲੈਣ ਦੀ ਵੀ ਵਿਹਲ ਨਹੀਂ। ਉਹ ਕਹਿੰਦੀ ਹੈ, ‘ਜੇ ਮੇਰੇ ਕੋਲ ਸਮਾਂ ਹੁੰਦਾ ਤਾਂ ਮੈਂ ਗੋਆ ਵਿੱਚ ਛੁੱਟੀਆਂ ਮਨਾ ਰਹੀ ਹੁੰਦੀ। ਹਰ ਦਿਨ ਕਰਨ ਲਈ ਕੁਝ ਨਾ ਕੁਝ ਹੈ, ਵਿਗਿਆਪਨਾਂ ਦੀ ਸ਼ੂਟਿੰਗ, ਮੈਗਜ਼ੀਨਾਂ ਲਈ ਫੋਟੋ ਸ਼ੂਟ, ਈਵੈਂਟਸ ਅਤੇ ਹਿੰਦੀ ਦੀਆਂ ਕਲਾਸਾਂ ਵਿਚਾਲੇ ਸਮਾਂ ਕੱਢਣਾ ਬੜਾ ਮੁਸ਼ਕਲ ਹੋ ਰਿਹਾ ਹੈ।’
ਨਰਗਿਸ ਦੇ ਕਹਿਣ ਮੁਤਾਬਕ ਉਹ ਭਾਰਤ ਵਿੱਚ ਲੰਬਾ ਕੈਰੀਅਰ ਬਣਾਉਣਾ ਚਾਹੁੰਦੀ ਹੈ, ਇਸੇ ਲਈ ਉਹ ਹਿੰਦੀ ਬੋਲਣੀ ਤੇ ਲਿਖਣੀ ਸਿੱਖ ਰਹੀ ਹੈ। ਉਹ ਕਹਿੰਦੀ ਹੈ, ‘ਜਦੋਂ ਮੈਂ ਇਥੇ ਆਈ ਸੀ ਤਾਂ ਮੇਰੇ ਲਈ ਇਥੇ ਰਹਿਣਾ ਕਾਫੀ ਮੁਸ਼ਕਲ ਸੀ। ਮੈਨੰ ਕੋਈ ਇਥੇ ਜਾਣਦਾ ਨਹੀਂ ਸੀ। ਇਸ ਕਾਰਨ ਮੈਂ ਰੋਂਦੀ ਵੀ ਹੁੰਦੀ ਸੀ, ਪਰ ਹੁਣ ਮੈਂ ਇਥੇ ਕਈ ਦੋਸਤ ਬਣਾ ਲਏ ਹਨ ਤੇ ਮੈਨੂੰ ਆਪਣੇ ਘਰ ਦੀ ਯਾਦ ਵੀ ਇੰਨੀ ਜ਼ਿਆਦਾ ਨਹੀਂ ਸਤਾਉਂਦੀ।’ ਉਂਜ ਅਮਰੀਕਾ ਦੇ ਠੰਢੇ ਇਲਾਕਿਆਂ ਵਿੱਚ ਬਚਪਨ ਅਤੇ ਜਵਾਨੀ ਬਿਤਾ ਕੇ ਅੱਜਕੱਲ੍ਹ ਭਾਰਤ ਦੇ ਗਰਮ ਮੌਸਮ ਵਿੱਚ ਕੰਮ ਕਰ ਰਹੀ ਇਹ ਸਾਬਕਾ ਮਾਡਲ ਆਪਣੀ ਸੁੰਦਰ ਚਮੜੀ ਦਾ ਖਾਸ ਧਿਆਨ ਰੱਖਦੀ ਹੈ। ਉਸ ਦਾ ਮੰਨਣਾ ਹੈ ਕਿ ਸਰੀਰ ਹੀ ਤੁਹਾਡਾ ਮੰਦਰ ਹੈ, ਜਿਸ ਨੂੰ ਸਿਰਫ ਸਿਹਤਮੰਦ ਭੋਜਨ ਤੇ ਸਾਕਾਰਾਤਮਕ ਵਿਚਾਰਾਂ ਦੀ ਪੂਰਤੀ ਕੀਤੀ ਜਾਣੀ ਚਾਹੀਦੀ ਹੈ। ਉਹ ਕਹਿੰਦੀ ਹੈ ਕਿ ਉਸਦੀ ਚਮਕਦੀ ਰੰਗਤ ਦਾ ਇਹੀ ਰਾਜ਼ ਹੈ। ਉਹ ਆਪਣੇ ਪਾਣੀ ਵਿੱਚ ਨਿੰਬੂ ਦਾ ਰਸ ਮਿਲਾਉਂਦੀ ਹੈ। ਨਾਲ ਹੀ ਉਹ ਬਹੁਤੇ ਮਿੱਠੇ ਜਾਂ ਖੰਡ ਅਤੇ ਸੋਡੇ ਤੋਂ ਵੀ ਦੂਰ ਰਹਿਣਾ ਪਸੰਦ ਕਰਦੀ ਹੈ।

ਸੈਂਸਰ ਨੇ ਸਾਜਿਦ ਨੂੰ ਕੀਤੀ ਹਾਂ

editor — Thu, 26 Apr 2012 10:25:59 +0000

ਇਹ ਸੁਣਨ ‘ਚ ਅਜੀਬ ਹੈ ਕਿ ਸਾਜਿਦ ਖਾਨ ਦੀ ਫਿਲਮ ਹਾਊਸਫੁੱਲ-ਦੋ ਦੇ ਪ੍ਰੀਮੀਅਰ ਦੀ ਰਿਲੀਜ਼ ਨੂੰ ਇਕ ਸੱਪ ਤੇ ਘੜਿਆਲ ਨੇ ਰੋਕ ਦਿੱਤਾ। ਫਿਲਮ ਦੀ ਰਿਲੀਜ਼ ਤੋਂ ਇਕ ਦਿਨ ਪਹਿਲਾਂ ਕੁਝ ਪਸ਼ੂ ਪ੍ਰੇਮੀਆਂ ਨੇ ਸੈਂਸਰ ਬੋਰਡ ਨੂੰ ਅਪੀਲ ਕੀਤੀ ਕਿ ਉਹ ਫਿਲਮ ਨੂੰ ਰੋਕ ਦੇਵੇ, ਕਿਉਂਕਿ ਇਹ ਪਤਾ ਨਹੀਂ ਕਿ ਪ੍ਰੋਡਿਊਸਰ ਨੇ ਫਿਲਮ ਦੀ ਸ਼ੂਟਿੰਗ ਤੋਂ ਪਹਿਲਾਂ ਇਨ੍ਹਾਂ ਜਾਨਵਰਾਂ ਨਾਲ ਕੰਮ ਕਰਨ ਦੀ ਇਜਾਜ਼ਤ ਲਈ ਸੀ ਜਾਂ ਨਹੀਂ।
ਓਧਰ ਪ੍ਰੋਡਿਊਸਰ ਸਾਜਿਦ ਨਾਡਿਆਡਵਾਲ ਦਾ ਕਹਿਣਾ ਹੈ ਕਿ ਇਜਾਜ਼ਤ ਲਈ ਗਈ ਸੀ ਅਤੇ ਫਿਲਮ ਨੂੰ ਪਹਿਲਾਂ ਵਾਲੇ ਪ੍ਰੋਗਰਾਮ ਅਨੁਸਾਰ ਰਿਲੀਜ਼ ਹੋਣ ਦੇਣਾ ਚਾਹੀਦਾ ਸੀ। ਸਾਜਿਦ ਨੇ ਕਿਹਾ ਕਿ ਅਸੀਂ ਸਮਝਦੇ ਹਾਂ ਕਿ ਜਾਨਵਰਾਂ ਦਾ ਫਿਲਮ ‘ਚ ਕਾਫੀ ਨਾਜ਼ੁਕ ਮਾਮਲਾ ਹੈ ਤੇ ਇਸ ਲਈ ਕਾਫੀ ਇਜਾਜ਼ਤਾਂ ਲੈਣੀਆਂ ਪੈਂਦੀਆਂ ਹਨ। ਅਸੀਂ ਇਸ ਦੀ ਸ਼ੂਟਿੰਗ ਲੰਡਨ ‘ਚ ਕੀਤੀ ਤੇ ਉਥੋਂ ਦੇ ਬੋਰਡ ਤੋਂ ਇਜਾਜ਼ਤ ਵੀ ਲਈ ਸੀ, ਬਜਾਏ ਐਨੀਮਲ ਵੈਲਫੇਅਰ ਬੋਰਡ ਚੇਨਈ ਦੇ। ਸੈਂਸਰ ਬੋਰਡ ਦੇ ਮੈਂਬਰਾਂ, ਪ੍ਰੋਡਿਊਸਰਾਂ ਤੇ ਪਸ਼ੂ ਪ੍ਰੇਮੀਆਂ ਨੇ ਇਸ ਮਸਲੇ ਨੂੰ ਸੁਲਝਾਉਣ ਲਈ ਇਕ ਮੀਟਿੰਗ ਕੀਤੀ। ਬੋਰਡ ਦੇ ਖੇਤਰੀ ਅਧਿਕਾਰੀ ਨੇ ਕਿਹਾ ਕਿ ਉਨ੍ਹਾਂ ਕੋਲ ਇਜਾਜ਼ਤ ਹੈ ਤੇ ਇਹ ਸਿਰਫ ਗਲਤ ਫਹਿਮੀ ਸੀ। ਅਸੀਂ ਇਹ ਦੇਖ ਲਿਆ ਹੈ ਕਿ ਸ਼ੂਟਿੰਗ ਦੌਰਾਨ ਜਾਨਵਰਾਂ ਨਾਲ ਮਾੜਾ ਰਵੱਈਆ ਨਹੀਂ ਅਪਣਾਇਆ ਗਿਆ, ਇਸ ਲਈ ਫਿਲਮ ਨੂੰ ਸਰਟੀਫਿਕੇਟ ਜਾਰੀ ਕਰ ਦਿੱਤਾ ਗਿਆ ਹੈ।

ਪ੍ਰਭਾਵਸ਼ਾਲੀ ਅਦਾਕਾਰਾ ਹੈ ਕੈਟਰੀਨਾ : ਸ਼ਾਹਰੁਖ

editor — Thu, 26 Apr 2012 10:16:05 +0000

ਯਸ਼ ਚੋਪੜਾ ਦੀ ਆਗਾਮੀ ਫਿਲਮ ਵਿੱਚ ਕੈਟਰੀਨਾ ਕੈਫ ਨਾਲ ਦਿੱਸਣ ਵਾਲੇ ਅਭਿਨੇਤਾ ਸ਼ਾਹਰੁਖ ਖਾਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਾਥੀ ਹੀਰੋਟਿਨ ਇਕ ਪ੍ਰਭਾਵਸ਼ਾਲੀ ਅਦਾਕਾਰਾ ਹੈ। ਸ਼ਾਹਰੁਖ ਨੇ ਕਿਹਾ ਕਿ ਮੈਂ ਪਹਿਲੀ ਵਾਰ ਕੈਟਰੀਨਾ ਕੈਫ ਨਾਲ ਸ਼ੂਟਿੰਗ ਕਰ ਰਿਹਾ ਹਾਂ ਤੇ ਇਹ ਅਦਭੁੱਤ ਸੀ। ਮੈਂ ਹਰ ਸਾਲ ਦੋ ਫਿਲਮਾਂ ਕਰਦਾ ਹਾਂ ਤੇ ਮੈਂ ਅਜੇ ਤੱਕ ਉਸ ਨਾਲ ਕੰਮ ਨਹੀਂ ਕੀਤਾ। ਮੈਨੂੰ ਲੱਗਦਾ ਹੈ ਕਿ ਉਹ ਪ੍ਰਭਾਵਸ਼ਾਲੀ ਅਦਾਕਾਰਾ ਹੈ। ਸਾਰੇ ਉਸ ਦੇ ਪ੍ਰਭਾਵਸ਼ਾਲੀ ਅਤੇ ਮਿਹਨਤੀ ਹੋਣ ਦੀ ਗੱਲ ਕਰਦੇ ਹਨ। ਇਹ ਬਹੁਤ ਮਹੱਤਵ ਪੂਰਨ ਹੈ ਕਿ ਅਸੀਂ ਇਕੱਠੇ ਇਕ ਟੀਮ ਵਾਂਗ ਕਿਵੇਂ ਕੰਮ ਕਰਦੇ ਹਾਂ।
ਸ਼ਾਹਰੁਖ ਨੇ ਕਿਹਾ ਕਿ ਕਈ ਨੌਜਵਾਨ ਕਲਾਕਾਰਾਂ ਨਾਲ ਕੰਮ ਕਰਨ ਨਾਲ ਉਸ ਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਦਾ ਹੈ। ਉਸ ਨੇ ਕਿਹਾ ਕਿ ਕੈਟਰੀਨਾ ਦਾ ਕਿਰਦਾਰ ਨੂੰ ਨਿਭਾਉਣ ਦਾ ਤਰੀਕਾ ਬਹੁਤ ਵੱਖਰਾ ਹੈ। ਸ਼ੂਟਿੰਗ ਦੌਰਾਨ ਉਹ ਕੈਟਰੀਨਾ ਦੇ ਤਰੀਕੇ ਨੂੰ ਅਪਨਾਉਣ ਦੀ ਕੋਸ਼ਿਸ਼ ਕਰਦਾ ਸੀ।

ਬਹੁਤੀ ਮਿਹਨਤ ਨਹੀਂ ਕਰਦੀ : ਅਨੁਸ਼ਕਾ ਸ਼ਰਮਾ

editor — Thu, 26 Apr 2012 10:05:07 +0000

ਅਨੁਸ਼ਕਾ ਸ਼ਰਮਾ ਨੇ ਆਪਣੀ ਪਹਿਲੀ ਫਿਲਮ ‘ਰਬ ਨੇ ਬਨਾ ਦੀ ਜੋੜੀ’ ਲਈ ਫਿਲਮ ਫੇਅਰ ਦੇ ਸਰਵੋਤਮ ਅਦਾਕਾਰਾ ਦੇ ਐਵਾਰਡ ਲਈ ਨਾਮਜ਼ਦਗੀ ਹਾਸਲ ਕੀਤੀ ਸੀ। ਉਸ ਪਿੱਛੋਂ ਉਸ ਨੇ ‘ਬਦਮਾਸ਼ ਕੰਪਨੀ’, ‘ਬੈਂਡ ਬਾਜਾ ਬਾਰਾਤ’, ‘ਪਟਿਆਲਾ ਹਾਊਸ’ ਅਤੇ ਪਿੱਛੇ ਜਿਹੇ ਰਿਲੀਜ਼ ਹੋਈ ‘ਲੇਡੀਜ਼ ਵਰਸਿਜ਼ ਰਿਕੀ ਬਹਿਲ’ ਵਿੱਚ ਕੰਮ ਕੀਤਾ। ਉਸ ਦੀਆਂ ਆਉਣ ਵਾਲੀਆਂ ਫਿਲਮਾਂ ਵਿੱਚ ਵਿਸ਼ਾਲ ਭਾਰਦਵਾਜ ਵਲੋਂ ਨਿਰਦੇਸ਼ਤ ‘ਮਟਰੂ ਕੀ ਬਿਜਲੀ ਕਾ ਮਨ ਡੋਲਾ’ ਸ਼ਾਮਲ ਹੈ। ਪੇਸ਼ ਹਨ ਉਸ ਨਾਲ ਇੱਕ ਗੱਲਬਾਤ ਦੇ ਅੰਸ਼-
* ‘ਰਬ ਨੇ ਬਨਾ ਦੀ ਜੋੜੀ’ ਦੇ ਪੰਜ ਸਾਲ ਬਾਅਦ ਤੁਸੀਂ ਇੱਕ ਵਾਰ ਫਿਰ ਯਸ਼ ਚੋਪੜਾ ਦੀ ਫਿਲਮ ਵਿੱਚ ਸ਼ਾਹਰੁਖ ਖਾਨ ਨਾਲ ਕੰਮ ਕਰਨ ਵਾਲੇ ਹੋ। ਟਿੱਪਣੀ?
-ਮੈਨੂੰ ਅਜਿਹੀ ਆਸ ਨਹੀਂ ਸੀ ਕਿ ਮੇਰੀ ਪਹਿਲੀ ਫਿਲਮ ‘ਰਬ ਨੇ ਬਨੀ ਦੀ ਜੋੜੀ’ ਤੋਂ ਬਾਅਦ ਮੈਨੂੰ ਇੱਕ ਵਾਰ ਫਿਰ ਸ਼ਾਹਰੁਖ ਕਾਨ ਨਾਲ ਕੰਮ ਕਰਨ ਦਾ ਮੌਕਾ ਮਿਲੇਗਾ, ਪਰ ਮੈਂ ਇਸ ਮਾਮਲੇ ਵਿੱਚ ਖੁਦ ਨੂੰ ਖੁਸ਼ਕਿਸਮਤ ਮੰਨਦੀ ਹਾਂ।
* ਇਸ ਵੇਲੇ ਤੁਸੀਂ ਦੋ ਵੱਡੀਆਂ ਫਿਲਮਾਂ ਕਰ ਰਹੇ ਹੋ, ਇੱਕ ਯਸ਼ ਚੋਪੜਾ ਦੀ ਫਿਲਮ ਅਤੇ ਦੂਜੀ ਵਿਸ਼ਾਲ ਭਾਰਦਵਾਜ ਦੀ ‘ਮਟਰੂ ਕੀ ਬਿਜਲੀ ਕਾ ਮਨ ਡੋਲਾ’। ਕੀ ਕਹੋਗੇ?
-ਵਿਸ਼ਾਲ ਵਾਕਈ ਜੀਨੀਅਸ ਹਨ। ਮੇਰੇ ਲਈ ਉਨ੍ਹਾਂ ਨਾਲ ਕੰਮ ਕਰਨਾ ਥੋੜ੍ਹਾ ਮੁਸ਼ਕਲ ਰਿਹਾ, ਕਿਉਂਕਿ ਵਿਸ਼ਾਲ ਦੀਆਂ ਫਿਲਮਾਂ ਉਨ੍ਹਾਂ ਫਿਲਮਾਂ ਨਾਲੋਂ ਕੁਝ ਵੱਖਰੀਆਂ ਹਨ, ਜਿਨ੍ਹਾਂ ਵਿੱਚ ਮੈਂ ਕੰਮ ਕਰਦੀ ਹਾਂ। ਮੈਂ ਯਸ਼ ਚੋਪੜਾ ਦੀ ਫਿਲਮ ਦੀ ਸ਼ੂਟਿੰਗ ਅਜੇ ਸ਼ੁਰੂ ਨਹੀਂ ਕੀਤੀ, ਪਰ ਇੱਕ ਮਈ ਨੂੰ ਆਪਣਾ ਜਨਮ ਦਿਨ ਮਨਾਉਣ ਪਿੱਛੋਂ ਮੈਂ ਇਸ ਫਿਲਮ ਦੀ ਯੂਨਿਟ ਨੂੰ ਜੁਆਇਨ ਕਰ ਲਵਾਂਗੀ। ਕਿਸੇ ਵੀ ਕਲਾਕਾਰ ਦਾ ਇਹ ਸੁਪਨਾ ਹੁੰਦਾ ਹੈ ਕਿ ਉਹ ਯਸ਼ ਚੋਪੜਾ ਨਾਲ ਕੰਮ ਕਰੇ।
* ਤੁਹਾਡੇ ਵਰਗੇ ਕਲਾਕਾਰਾਂ ਦੇ ਬਿਜ਼ੀ ਸਡਿਊਲ ਨੂੰ ਦੇਖਦਿਆਂ ਸਵਾਲ ਕੀਤਾ ਜਾ ਸਕਦੈ ਕਿ ਕੀ ਤੁਸੀਂ ਵਰਕ ਆਊਟ ਲਈ ਸਮਾਂ ਕੱਢ ਲੈਂਦੇ ਹੋ?
-ਮੈਂ ਇਸ ਗੱਲ ਦਾ ਪੂਰਾ ਧਿਆਨ ਰੱਖਦੀ ਹਾਂ ਕਿ ਆਊਟਡੋਰ ਸ਼ੂਟਿੰਗ ਦੌਰਾਨ ਵੀ ਵਰਕ ਆਊਟ ਦੇ ਸ਼ਡਿਊਲ ਵਿੱਚ ਗੜਬੜ ਨਾ ਹੋਵੇ। ਕਈ ਵਾਰ ਇਹ ਬਹੁਤ ਮੁਸ਼ਕਲ ਹੋ ਜਾਂਦਾ ਹੈ, ਕਿਉਂਕਿ ਸ਼ਡਿਊਲ ਬੜਾ ਟੱਫ ਹੁੰਦਾ ਹੈ, ਪਰ ਵਰਕ ਆਊਟ ਨੂੰ ਮੈਂ ਕਮਿਟਮੈਂਟ ਵਾਂਗ ਲੈਂਦੀ ਹਾਂ। ਮੇਰੇ ਕਿੱਤੇ ਦੀ ਲੋੜ ਹੈ ਕਿ ਮੈਨੂੰ ਗੁੱਡ ਲੁਕਿੰਗ ਹੋਣਾ ਚਾਹੀਦਾ ਹੈ ਅਤੇ ਜੇ ਮੈਂ ਇੰਝ ਨਹੀਂ ਕਰਦੀ ਤਾਂ ਇਸ ਦਾ ਮਤਲਬ ਇਹ ਹੋਇਆ ਕਿ ਮੈਂ ਆਪਣੇ ਕਿੱਤੇ ਨਾਲ ਬੇਈਮਾਨੀ ਕਰਦੀ ਹਾਂ।
* ਬਾਹਰੋਂ ਘਰ ਪਰਤਣ ਪਿੱਛੋਂ ਕੀ ਤੁਹਾਡਾ ਮਨ ਰੱਜ ਕੇ ਖਾਣ ਨੂੰ ਕਰਦੈ?
-ਅਕਸਰ ਇੰਜ ਹੁੰਦੈ, ਪਰ ਦੋ ਘੰਟਿਆਂ ਪਿੱਛੋਂ ਮੈਨੂੰ ਭੁੱਖ ਲੱਗਣ ਲੱਗਦੀ ਹੈ। ਇਸ ਲਈ ਮੈਂ ਲਗਾਤਾਰ ਖਾਂਦੀ ਰਹਿੰਦੀ ਹਾਂ। ਖਈ ਵਾਰ ਮੈਂ ਅੱਧੀ ਰਾਤ ਨੂੰ ਵੀ ਕੁਝ ਨਾ ਕੁਝ ਖਾ ਲੈਂਦੀ ਹਾਂ। ਕਈ ਵਾਰ ਇਹ ਇੰਨਾ ਹੈਲਦੀ ਨਹੀਂ ਹੁੰਦਾ, ਪਰ ਖਾਣ ਲਈ ਕੁਝ ਨਾ ਕੁਝ ਚਾਹੀਦਾ ਹੀ ਹੁੰਦਾ ਹੈ। ਖਾਸ ਤੌਰ ‘ਤੇ ਉਦੋਂ, ਜਦੋਂ ਤੁਸੀਂ ਟੀ ਵੀ ਦੇਖ ਰਹੇ ਹੋਵੋ।
* ਤੁਸੀਂ ਕੁੜੀਆਂ ਨੂੰ ਕੀ ਸੰਦੇਸ਼ ਦੇਣਾ ਚਾਹੋਗੇ?
-ਨਾ ਸਿਰਫ ਕੁੜੀਆਂ ਨੂੰ, ਸਗੋਂ ਸਭ ਨੂੰ ਮੈਂ ਇਹੀ ਕਹਿਣਾ ਚਾਹੁੰਦੀ ਹਾਂ ਕਿ ਉਹ ਕੁਦਰਤੀ ਤੌਰ ‘ਤੇ ਜਿਹੋ ਜਿਹੇ ਹਨ, ਉਹੋ ਜਿਹੇ ਰਹਿਣ। ਭਾਰ ਵਧਣ ਤੋਂ ਬਚੇ ਰਹਿਣ। ਫਿਟਨੈਸ ਸਭ ਤੋਂ ਜ਼ਰੂਰੀ ਹੈ, ਕਿਉਂਕਿ ਇਸ ਤਰ੍ਹਾਂ ਤੁਸੀਂ ਐਕਟਿਵ ਬਣੇ ਰਹਿੰਦੇ ਹੋ ਅਤੇ ਲਗਾਤਾਰ ਕੰਮ ਕਰ ਸਕਦੇ ਹੋ।

ਜਿਗੋਲੋ ਬਣੇਗਾ ਰਣਬੀਰ ਕਪੂਰ

admin — Thu, 22 Mar 2012 07:45:45 +0000

ਮੁੰਬਈ -ਰਣਬੀਰ ਕਪੂਰ ਨੇ ਹਾਲ ਹੀ ਵਿਚ ਆਪਣੀ ਇਕ ਖਾਸ ਇੱਛਾ ਰੱਖੀ ਹੈ। ਅਜਿਹੀ ਇੱਛਾ ਜੋ ਸ਼ਾਇਦ ਕਦੀ ਕਿਸੇ ਫਿਲਮ ਅਭਿਨੇਤਾ ਨੇ ਨਹੀਂ ਕੀਤੀ, ਕਰੀਨਾ ਦੀ ਤਰੀਫ ਕਰਦੇ-ਕਰਦੇ ਉਹ ਖੁਦ ਨੂੰ ਰੋਕ ਨਹੀਂ ਸਕਿਆ ਅਤੇ ਪੂਰੀ ਦੁਨੀਆ ਦੇ ਸਾਹਮਣੇ ਰਾਕਸਟਾਰ ਨੇ ਆਪਣਾ ਦਿਲ ਖੋਲ੍ਹ ਕੇ ਰੱਖ ਦਿੱਤਾ। ਦਰਅਸਲ, ਰਣਬੀਰ ਹੁਣ ਜਿਗੋਲੋ ਬਣਨ ਦੀ ਤਿਆਰੀ ਕਰ ਰਿਹਾ ਹੈ। ਯਾਨੀ ਰਣਬੀਰ ਹੁਣ ਲਵਰ ਬੁਆਏ ਨਹੀਂ ‘ਪ੍ਰੋਸਟੀਚਿਊਟ ਬੁਆਏ’ ਬਣਨ ਦਾ ਸੁਪਨਾ ਲੈ ਕੇ ਘੁੰਮ ਰਿਹਾ ਹੈ। ਰਣਬੀਰ ਫਿਲਮ ਵਿਚ ਕੁਝ ਅਜਿਹਾ ਹੀ ਕਿਰਦਾਰ ਨਿਭਾਉਣ ਦੀ ਤਿਆਰੀ ਵਿਚ ਹੈ। ਜ਼ਿਕਰਯੋਗ ਹੈ ਕਿ ਫਿਲਮ ਦੋਸਤਾਨਾ ਵਿਚ ਜਾਨ ਅਤੇ ਅਭਿਸ਼ੇਕ ਦੇ ਕਿਰਦਾਰ ਅਤੇ ਉਨ੍ਹਾਂ ਦੀ ਐਕਟਿੰਗ ਨੂੰ ਦਰਸ਼ਕਾਂ ਨੇ ਬਹੁਤ ਪਸੰਦ ਕੀਤਾ ਹੈ। ਇਥੋਂ ਤਕ ਕਿ ਜਾਨ ਅਤੇ ਅਕਸ਼ੈ ਨੇ ਦੇਸੀ ਬੁਆਏਜ਼ ਵਿਚ ਕੁਝ ਅਜਿਹਾ ਹੀ ਰੋਲ ਕੀਤਾ ਸੀ। ਇਸ ਲਈ ਰਣਬੀਰ ਨੇ ਤੈਅ ਕੀਤਾ ਹੈ ਕਿ ਉਹ ਜਿਗੋਲੋ ਦਾ ਰੋਲ ਨਿਭਾਏਗਾ ਅਤੇ ਬਦਲ-ਬਦਲ ਕੇ ਖੂਬਸੂਰਤ ਕੁੜੀਆਂ ਨਾਲ ਰੋਮਾਂਸ ਕਰੇਗਾ।

ਟੀਵੀ ਅਦਾਕਾਰ ਦੇ ਲੁਕ ਨੇ ਸ਼ਾਹਰੁਖ ਨੂੰ ਪ੍ਰਭਾਵਿਤ ਕੀਤਾ

admin — Thu, 22 Mar 2012 07:44:46 +0000

ਮੁੰਬਈ— ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਇਨ੍ਹਾਂ ਦਿਨਾਂ ਨਵੇਂ-ਨਵੇਂ ਲੁਕ ‘ਚ ਦਿਖਣਾ ਚਾਹੁੰਦੇ ਹਨ ਤੇ ਇਸੀ ਕਾਰਨ ਉਹ ਕਿਸੀ ਟੀਵੀ ਅਦਾਕਾਰ ਦੇ ਲੁਕ ਨੂੰ ਕਾਪੀ ਕਰਨ ਤੋਂ ਵੀ ਨਹੀਂ ਹਿਚਕਿਚਾਉਂਦੇ। ਸ਼ਾਹਰੁਖ ਨੇ ਆਪਣੀ ਆਉਣ ਵਾਲੀ ਫ਼ਿਲਮ ‘ਵਨ ਟੂ ਕਾ ਫੋਰ’ ‘ਚ ਜੋ ਲੁਕ ਅਪਣਾਇਆ ਹੈ ਉਹ ਟੀਵੀ ਸੀਰੀਅਲ ‘ਸਜਾ ਤੇਰੇ ਪਿਆਰ ਮੇਂ’ ਦੇ ਅਦਾਕਾਰ ਸ਼ਾਲੀਨ ਭਨੋਟ ਦੇ ਲੁਕ ਤੋਂ ਪ੍ਰੇਰਿਤ ਹੈ।
ਇਸ ਸੀਰੀਅਲ ‘ਚ ਸ਼ਾਲੀਨ ਇਕ ਪੁਲਸ ਅਧਿਕਾਰੀ ਦੀ ਭੂਮਿਕਾ ਅਦਾ ਕਰ ਰਹੇ ਹਨ। ਪੁਲਸ ਅਧਿਕਾਰੀ ਦੀ ਭੂਮਿਕਾ ਲਈ ਸ਼ਾਹਰੁਖ ਨੇ ਕਈ ਪ੍ਰਯੋਗ ਕੀਤੇ ਪਰ ਅੰਤ ‘ਚੇ ਉਹ ਸ਼ਾਲੀਨ ਦੀ ਭੂਮਿਕਾ ਵਾਲੇ ਲੁਕ ‘ਤੇ ਜਾ ਕੇ ਰੁਕ ਗਏ। ਸ਼ਾਲੀਨ ਨੇ ਕਿਹਾ ਹੈ,”ਮੇਰੇ ਲਈ ਇਹ ਬਹੁਤ ਚੰਗੀ ਗੱਲ ਹੈ ਕਿ ਸ਼ਾਹਰੁਖ ਨੇ ਮੇਰੇ ਲੁਕ ਦੀ ਕਾਪੀ ਕੀਤੀ ਹੈ। ਮੈਂ ਸ਼ਾਹਰੁਖ ਦਾ ਵੱਡਾ ਫੈਨ ਹਾਂ। ਹੁਣ ਮੈਨੂੰ ਲੱਗਦਾ ਹੈ ਕਿ ਦਰਸ਼ਕ ਸੀਰੀਅਲ ‘ਚ ਮੇਰੇ ਭੂਮਿਕਾ ਨੂੰ ਵੀ ਪਸੰਦ ਕਰਨਗੇ।”

ਕੇਟ ਨਾਲ ਪਾਰਟੀ ਕਰਨਾ ਚਾਹੁੰਦੀ ਹੈ ਰਿਹਾਨਾ

admin — Thu, 22 Mar 2012 07:41:32 +0000

ਲੰਡਨ— ਹਾਲੀਵੁੱਡ ਦੀ ਆਰ ਐਂਡ ਬੀ ਸਟਾਰ ਰਿਹਾਨਾ ਦੀ ਇੱਛਾ ਹੈ ਕਿ ਸੁਪਰ ਮਾਡਲ ਕੇਟ ਮਾਸ ਨਾਲ ਪਾਰਟੀ ਕਰੇ।
‘ਵੀ ਫਾਉਂਡ ਲਵ’ ਦੀ 23 ਸਾਲਾ ਗਾਇਕਾ ਕੈਟਵਾਕ ਕਵੀਨ ਕੇਟ ਮਾਸ ਨੂੰ ਲੈ ਕੇ ਇਨ੍ਹਾਂ ਮੋਹਿਤ ਹੈ ਕਿ ਉਨ੍ਹਾਂ ਨੂੰ ਇਸ ਜੁਲਾਈ ‘ਚ ਲੰਡਨ ਦੇ ਵਾਇਰੇਲ ਫੇਸਟੀਵਲ ‘ਚ ਪ੍ਰਦਰਸ਼ਨ ਕਰਨ ਲਈ ਬੁਲਾਇਆ ਗਿਆ ਹੈ। ਰਿਹਾਨਾ ਚਾਹੁੰਦੀ ਹੈ ਕਿ 38 ਸਾਲਾ ਮਾਸ ਉਨ੍ਹਾਂ ਨਾਲ ਹਾਇਡ ਪਾਰਕ ਪ੍ਰੋਗਰਾਮ ‘ਚ ਸ਼ਾਮਿਲ ਹੋਵੇ।